~Svalan~

Hress � morgunsarid :o)

Mynd sendi: ég
Sent með GSMbloggi Og Vodafone

posted by Svala Fanney @ 10:51 0 comments

Góðan daginn, góðan daginn!

Lífið hér gengur sinn vanagang, ég er farin að hætta klukkan fjögur á daginn í vinnunni (nema í dag!) og get ég ekki lýst því hvað það er mikill léttir. Síðasti mánuður var ansi strembinn, en þetta er allt að lagast og maður er loksins að verða búinn að jafna sig á vinnualka-fráhvarfseinkennunum :o) Það var einstök veðurblíða hér á norðurlandinu fyrripart mánaðarins og fórum við mæðgur þá iðulega í sund eftir vinnu, dásamlegt alveg! Enda er mín vel útitekin og FREKNÓTT! Hehe.. Síðasta helgi var pabba helgi og var hver mínúta nýtt til hins ýtrasta. Neeei, það er ekki eins og þið haldið...Það var ekkert djammað heldur bara unnið 24/7, bæði föstudag og laugardag. Sunnudagurinn var reyndar tekinn í afslöppun, sund og rölt í bæinn þar sem að strákarnir í Svörtum fötum voru að spila á TM hátíðinni. Alveg merkilegt hvað hann Jónsi með alla sína takta getur farið í taugarnar á mér! Við Árni fórum síðan með stelpurnar okkar út að borða á Greifann um kvöldið, gott að borða í góðum félagsskap. Það verður ekki mikið betra :o)

Næsta helgi hefur nú þegar verið skipulögð en planið er að djamma á föstudaginn, Paparnir eru í Sjallanum og er aldrei að vita nema maður skelli sér þangað ef að einhverjir fást með ;o) Síðan á að bruna á silfurþrumunni í Víðigerði (miðja vegu milli Akureyrar og Reykjavíkur) um hádegi á laugardag á eitt stykki ættarmót. Við svörtu sauðirnir í fjölskyldunni getum örugglega skemmt okkur saman... Á sunnudaginn keyrum við síðan til Reykjavíkur og þar er planið að forðast það að verða troðinn undir á Metallica tónleikunum. Ég ætla sko bara á hlýrabol og brókinni!! Hehe, eða svona næstum því. Jónbi vinur minn og félagar hans í Brainpolice verða að hita upp þannig að þetta verður góður stemmari ;o) Á mánudeginum verður síðan að sjálfsögðu tekið búðarrölt áður en haldið verður heim á leið.

Annað mál: Hverjir eru með í Hrísey helgina 16. - 18. júlí??? Þetta eru fyrstu dagar sumarfrís míns og ég er farin að þrá góða útilegu. Það verður ball, brekkusöngur, akstur á traktorum um eynna og margt fleira. Ég held að þetta sé þess virði að skoða betur ;o)

Jæja, ég hugsi að ég láti þetta gott heita í bili...

Adios mi Amigos!

posted by Svala Fanney @ 18:07 1 comments

posted by Svala Fanney @ 18:03 1 comments

Mynd sendi: ég
Sent með GSMbloggi Og Vodafone


Mín bara búin að tjalda í vinnunni!

posted by Svala Fanney @ 11:55 0 comments

posted by Svala Fanney @ 14:05 0 comments

Hellllúúú.....

Jæja, ég get víst ekki lengur skorast undan því að blogga :os Í fyrsta lagi hefur hrjáð mig óendanleg bloggleti og í öðru lagi er búið að vera svo mikið að gera hjá mér í vinnunni að ég hef einfaldlega ekki haft tíma til að setjast niður eða ekki haft neitt skemmtilegt að skrifa um nema vinnuna :os Uss uss uss, ljótt er að heyra! Maður hljómar eins og fertug kelling sem gerir ekkert annað en að vinna, streitupakkinn og allt saman... Þetta fer nú allt batnandi vona ég, annars verð ég lögð inná svona "heilsuhæli" áður en ég kemst í sumarfrí!! Já ég sagði sumarfrí, í fyrsta skipti síðan ég byrjaði að afla mér sjálf peninga eða frá því að ég var ellefu ára með tvö börn í vist! Ég ætla að taka mér heilar 3 vikur og byrja í aflöppun þann 19. júlí, vúhú :o) Spurning hvað maður á að gera af sér í allan þennan tíma?? Mig langar að: Ferðast um landið og fara í útilegu, fara djammferð suður, skreppa til Köben eða það sem er ennþá betra; SÓLARLANDA!! En fyrst og fremst ætla ég bara að slappa af og njóta þessa að vera með dóttur minni sem verður í fríi á sama tíma, ahhhhhhhhhhhhhh :o)

Ég er ekki enn búin að jafna mig á fréttinni um konuna sem réðist á börnin sín í svefni... Ég hef alveg heyrt um að svona lagað gerist erlendis, það er kannski naív hugsunarháttur en mér fannst það bara ekki eins raunverulegt. Maður verður bara hálfhræddur við að snappa sjálfur einhvern daginn, ekki misskilja mig ég hef aldrei nokkurn tíman óskað þess að dóttir mín hefði ekki fæðst, en kannski var þessi kona líka fullkomlega eðlileg og ég efast ekki um að hún hafi elskað börnin sín... Hvað er það eiginlega sem að fær fólk til að fremja svona hroðaverk??? Ég fæ sting í hjartað af því að hugsa um þetta ;o(

Ég skal reyna að vera duglegri að blogga, bless í bili...

Svalan ykkar :o*

posted by Svala Fanney @ 17:15 2 comments

Forsetinn er kannski ekki svo galinn eftir allt saman...

"Ólafur Ragnar Grímsson, forseti Íslands, tilkynnti á blaðamannafundi á Bessastöðum að hann hefði ákveðið að synja því að staðfesta fjölmiðlalögin, sem Alþingi samþykkti í síðustu viku og vísa þeim í dóm þjóðarinnar í þjóðaratkvæðagreiðslu sem fari fram eins fljótt og unnt er. Ólafur Ragnar las upp yfirlýsingu þessa efnis á blaðamannafundinum og sagði að skort hefði samhljóminn sem þyrfti að vera milli þings og þjóðar í svo mikilvægu máli. Hann sagðist hafa í dag gert forsætisráðherra og utanríkisráðherra grein fyrir ákvörðun sinni og efni yfirlýsingarinnar."

Ég hvet alla eindregið til að kjósa, það er ekki svo oft sem að við fáum einhverju um ráðið!

posted by Svala Fanney @ 16:48 0 comments

...Og klukkutìma sídar!

Mynd sendi: ég
Sent með GSMbloggi Og Vodafone

posted by Svala Fanney @ 11:28 2 comments

st�llurnar � g�dri stund! ;o)

Mynd sendi: ég
Sent með GSMbloggi Og Vodafone

posted by Svala Fanney @ 11:28 2 comments